राष्ट्रपति निर्वाचनमा उम्मेदवार उठाउने, नयाँ राष्ट्रपतिले फागुन २८ गते बहाली गर्नैपर्ने काँग्रेसको निर्णय

नेपाली काँग्रेसले आगामी राष्ट्रपति निर्वाचनमा उम्मेदवार उठाउने निर्णय गरेको छ । साथै तोकिएको समयमा नयाँ राष्ट्रपतिले पदबहाली गर्नुपर्ने भएकाले सममयै निर्वाचन गराउन माग गरेको छ ।

सभापति शेरबहादुर देउवाको निवासमा आज बसेको पार्टी पदाधिकारी बैठकले वर्तमान राष्ट्रपतिले पाँच वर्षे कार्यकाल पूरा गरेको दिन नयाँ राष्ट्रपति पदबहाली हुनुपर्ने उसको निर्णय छ ।

संविधान र ऐनमा उक्त निर्वाचनबारे केही अस्पष्टता रहेको पार्टीका सहमहामन्त्री बद्रीप्रसाद पाण्डेले जानकारी दिएका छन् । बैठकको निर्णय सुनाउँदै उनले भने, ‘
काँग्रेसले आफ्नो उम्मेदवार जिताउन सबै ताकत लगाउने छ ।’

फागुन २८ सम्ममका नयाँ राष्ट्रपति निर्वाचित भएर पदबहालीको निम्ति मार्ग प्रशस्त गर्नुपर्ने काँग्रेसको भनाइ छ । काँग्रेसले माओवादी केन्द्रलगायतका राजनीतिक दलको सहयोगमा राष्ट्रपतिमा आफ्नो उम्मेदवार जिताउने रणनीति बनाएको बताइन्छ ।