अमेरिकी राजदूत १० दिनमा कोरिया हुँदै नेपाल फिर्ता

नेपालका लागि अमेरिकी राजदूत डिन रिचार्ड थम्पसन दक्षिण कोरियाको राजधानी सिउल भएर आज काठमाडौं आउनुभएको छ । उहाँ उहाँ कोरियन एअरलाइन्सको उडान नम्बर केई ६९५ बाट साँझ ६ बजे आउनुभएको हो । 

उहाँ पुस ३० गते राति काठमाडौंबाट त्यता जानुभएको थियो । त्यतिबेला पनि कोरियन एअरलाइन्सकै उडानबाट कोरिया जानुभएका राजदूत १० दिनपछि बल्ल फर्कनुभएको हो । कोरिया जाँदा टोलीमा राजदूतसँग अन्य दुई जना पनि थिए ।