आत्मदाह गरेका प्रेमप्रसादको पक्षमा नारा जुलुस

राजधानीको नयाँ बानेश्वरस्थित संघीय संसद भवनअगाडि आफैंलाई पेट्रोल छर्किएर आत्मदाह गरेका इलामका प्रेमप्रसाद आचार्यलाई न्याय दिनुपर्ने माग राख्दै युवाहरु सडकमा उत्रिएका छन् । 

हिजो दिउँसो आत्मदाह गरेका प्रेमप्रसादलाई न्याय माग्दै माइतीघर मण्डलामा युवाहरुले प्रदर्शन थालेका हुन् । ‘जस्टिस फर प्रेम आचार्य’ लेखिएको ब्यानरसहित पाँच दर्जन युवाको समूहले चर्को नाराबाजी गरेको छ । 

उनीहरुले ‘यो देश हो कि बधशाला’,‘जलेर मर्नु र मरेर जल्नुमा धेरै फरक छ’,‘देशमा केही गर्छु भन्नु अपराध हो’,‘दलालहरु होशियार’,‘अर्को जल्दो शरीर मेरो नहोस्’,‘कि यो सरकार रहँदैन कि म’, लगायतका प्लेकार्ड बोकेका छन् ।

उनीहरुले ‘यो देश हो कि बधशाला’,‘जलेर मर्नु र मरेर जल्नुमा धेरै फरक छ’,‘देशमा केही गर्छु भन्नु अपराध हो’,‘दलालहरु होशियार’,‘अर्को जल्दो शरीर मेरो नहोस्’,‘कि यो सरकार रहँदैन कि म’, लगायतका प्लेकार्ड बोकेका छन् । 

आफ्नै शरीरमा आगो लगाएका प्रेमप्रसादको कीर्तिपुर अस्पतालमा उपचारको क्रममा आज बिहान मृत्यु भएको छ ।