अमरेशकुमारपछि ‘र’ प्रमुखसँग ऋषि धमलाको बातचित

पत्रकार ऋषि धमलाले लैनचौरस्थित दूतावास पुगेर भारतीय खुफिया एजेन्सी ‘र’ का काठमाडौं स्टेशन प्रमुख राघवप्रसाद भट्नागरसँग भेटवार्ता गरेका छन् । धमला हिजो दिउँसो साढे १२ बजे त्यहाँ पुगेका हुन् । लञ्च टाइममा पुगेका धमला र भट्नागरबीच दिउँसो पौने २ बजेसम्म लामै छलफल भएको बताइएको छ ।

यसअघि अस्ति साँझ उनै भट्नागरसँग सांसद अमरेशकुमारले झण्डै दुई घण्टा कुराकानी गरेका थिए । सिंह ‘र’ प्रमुखसँग बातचित गर्न साँझ बिशालनगरस्थित उनको निवास पुगेका हुन् ।

हिजै लैनचौरस्थित भारतीय दूतावासमा राई स्कुलका प्रिन्सिपल कृति पाण्डे पनि पुगेका थिए । उनी दिउँसो साढे ३ बजको समयमा त्यहाँ गएको बताइन्छ । पाण्डेले दूतावासका शिक्षा तथा राजनीतिक विभागकी प्रियादर्शनीसँग आधा घण्टाभन्दा बढी समय कुराकानी गरेका थिए ।