एमाले अध्यक्ष बिहानदेखि व्यस्त, बालुवाटारपछि सिंहदरबारमा तारन्तारको भेटघाट

एमाले अध्यक्ष केपी शर्मा ओली आज बिहानदेखि भेटघाटमा व्यस्त हुनुहुन्छ । उहाँले बिहान १० बजेदेखि झण्डै एक घण्टा बालुवाटारमा प्रधानमन्त्री पुष्पकमल दाहाल प्रचण्डसँग कुराकानी गर्नुभएको हो । 

त्यसपछि उहाँ सिंहदरबारस्थित एमाले संसदीय दलको कार्यालयमा पुग्नुभयो । उहाँ त्यहाँ पुगेपछि बेलायती राजदूत एमाले संसदीय कार्यालयमा प्रवेश गरेकी हुन् । नेपालका लागि बेलायती राजदूत निकोला काथ्रिन पोलिट र एमाले अध्यक्ष ओलीबीच झण्डै आधा घण्टा शिष्टाचार भेट भएको एमाले स्रोतले बताएको छ ।

राजदूतपछि राष्ट्रिय स्वतन्त्र पार्टीका सभापति रवि लामिछानेसँग कुराकानी भएको छ । अध्यक्ष ओली र रविबीचको कुराकानी साढे १२ बजेपछि भएको हो ।