भारतीय राजदूत जनकपुरबाट सोझै सिन्धुली

जनकपुर भ्रमणमा जानुभएका भारतीय राजदूत आज सिन्धुली पुग्नुभएको छ । राजदूत नवीन श्रीवास्तव आज भारत सरकारको सहयोगमा निर्मित विद्यालयको उद्घाटन कार्यक्रममा सहभागी हुन सिन्धुली जानुभएको बताइएको छ ।

श्रीवास्तवले कमलामाई नगरपालिका १ स्थित चण्डेश्वरी माध्यमिक विद्यालयको भवन उद्घाटन गर्नुभएको छ । कार्यक्रमलाई सम्बोधन गर्दै उहाँले दुई देशबीचको सम्बन्ध सदियौंदेखि मैत्रीपूर्ण रहेको बताउनुभएको छ ।

दुई मुलुकका जनताबीचको धार्मिक तथा सांस्कृतिक सम्बन्धलाई थप प्रगाढ बनाउन यस प्रकारको सहयोगले बल पुर्याउने उहाँको भनाइ छ । ‘हामी चाहन्छौं यो मित्रता थप बलियो होओस्,’ उहाँले भन्नुभयो ।