एमाले नेताद्वारा पूर्वराजालाई सँगै राखेर महाभियान शुरु

पूर्वराजा ज्ञानेन्द्र शाह र उनको परिवारका सदस्यहरूलाई एकै मञ्चमा राखेर एमाले नेता दुर्गा प्रसाईले 'धर्म,संस्कृति र नागरिक बचाउ महाअभियान' शुरु गरेका छन् । आज झापाको मेची पुलमा पूर्वराजा शाहद्वारा दीप बालेर महाअभियानको उद्घाटन गरिएको छ ।

विवादास्पद मेडिकल व्यवसायीसमेत रहेका प्रसाईको महाअभियानमा पूर्वराजासहित उनका छोरा पूर्वयुवराज पारस शाह र प्रेरणा शाह पनि उपस्थित थिए । 

संघीयता खारेजी, वैदिक सनातन राज्य घोषणा तथा व्यावसायिक वातावरणको माग गर्दै प्रसाईंले शुरु गरेको महाभियान मेचीपछि महाकाली हुँदै काठमाडौंमा द्वीप बालेर अघि बढाउने तयारी छ ।  ।