भारतीय विदेश सचिव आज पनि भेटघाटमा व्यस्त, कोटेश्वरपछि सिंचाई मन्त्रालयमा

नेपाल भ्रमणमा रहेका भारतीय विदेश सचिव विनयमोहन क्वात्राले उपप्रधान एवम् ऊर्जा, जलस्रोत तथा सिंचाईमन्त्री राजेन्द्र लिङ्देनसँग भेटवार्ता गरेका छन् ।  

सिंहदरवारस्थित ऊर्जा, जलस्रोत तथा सिंचाई मन्त्रालयमा मन्त्री लिङ्देन र  सचिव क्वात्रा नेतृत्वको भारतीय टोलीबीच आज बिहान भेटवार्ता भएको हो । 

यसअघि क्वात्रा पूर्वप्रधानमन्त्री तथा नेकपा एकीकृत समाजवादीका अध्यक्ष माधवकुमार नेपालसँग भेटवार्ताको निम्ति नेपाल निवास कोटेश्वर पुगेका थिए । हिजो अबेर एमाले अध्यक्ष केपी ओलीसँग ओली निवास बालकोटमा कुराकानी गरेका हुन् ।