माधव नेपाल र प्रभु साह एउटै विमानमा सिमरा

नेकपा एकीकृत समाजवादीका अध्यक्ष माधवकुमार नेपाल आज सिमरा जानुभएको छ । उहाँ बुद्व एयरको विमानमा दिउँसो पौने ३ बजे सिमरा प्रस्थान गर्नुभएको हो । 

अध्यक्ष नेपालसँगै पूर्वमन्त्री तथा आम जनता पार्टीका अध्यक्ष प्रभु साह पनि सिमरा जानुभएको हो । 

त्यसअघि आजै बिहान एकीकृत समाजवादीका सम्मानित नेता झलनाथ खनाल पनि काठमाडौंबाट बुद्ध एअरको उडानमा सिमरा जानुभएको थियो । उहाँ भारतको पटना जाने क्रममा सिमरासम्म विमान र त्यसपछि सडकमार्ग हुँदै पटना जानुभएको हो ।