राष्ट्रपतिले मन्दिर उद्घाटनसँगै बागलुङ कालिकाको दर्शन गर्ने

राष्ट्रपति विद्यादेवी भण्डारी आज बागलुङ जाँदै हुनुहुन्छ । उहाँ बागलुङ कालिकाको दर्शनको निम्ति बिहान साढे ८ बजे त्यसतर्फ प्रस्थान गर्ने कार्यक्रम रहेको बताइएको छ ।

आजै उहाँले पर्वतमा एउटा मन्दिरको उद्घाटन गर्नुहुने छ । पर्वतको जलजला गाउँपालिकाद्वारा आयोजित वराह पूजा तथा मन्दिरको समुद्घाटन कार्यक्रममा राष्ट्रपति सरिक हुने जानकारी दिइएको छ ।

उहाँ बिहान सेनाको हेलिकोप्टर अगुष्ता एनए ०५८ मा काठमाडौंबाट पहिले बागलुङ कालिका मन्दिर जानुहुने छ ।