झलनाथ खनाल पटनापछि ढाकाको यात्रामा

पूर्वप्रधानमन्त्री तथा नेकपा एकीकृत समाजवादीका सम्मानित नेता झलनाथ खनाल बंगलादेशको राजधानी ढाका प्रस्थान गर्नुभएको छ । आज दिउँसो विमान बंगलादेशको विमानबाट उहाँ ढाका प्रस्थान गरेको त्रिभुवन अन्तर्राष्ट्रिय विमानस्थलस्थित अध्यागमन स्रोतले जनाएको छ । 

मानव अधिकारसम्बन्धी एउटा सार्कस्तरीय कार्यक्रममा भाग लिन नेता खनाल ढाका जानुभएको हो । उहाँको साथमा पत्नी रविलक्ष्मी चित्रकार र पार्टी नेताहरु पनि सहभागी रहेको बताइएको छ ।

गत साता उहाँ भारतीय कम्युनिष्ट पार्टीको सम्मेलनमा भाग लिन सडक मार्गबाट बिहारको राजधानी पटना जानुभएको थियो ।