रक्षामन्त्री पूर्व उडेको पाँच मिनेटपछि महिलामन्त्री पनि त्यतै

रक्षामन्त्री हरिप्रसाद उप्रेती प्रदेश १ को राजधानी विराटनगर पुगेका छन् । उनी आज बिहान काठमाडौँबाट बुद्ध एयरको जहाजमार्फत विराटनगर गएका हुन् । बिहान पौने १० बजेतिर मन्त्री उप्रेती बुद्ध एयरको उडान नम्बर बिएचए ७०१ बाट विराटनगर प्रस्थान गरेको बताइएको छ । 

त्यस्तै, महिला बालबालिका तथा जेष्ठ नागरिक मन्त्री भगवती चौधरी पनि विराटनगर गएकी छन् । रक्षामन्त्री उडेको पाँच मिनेटपछि उनी बुद्धकै जहाजबाट त्यसतर्फ प्रस्थान गरेको त्रिभुवन विमानस्थल अध्यागमन स्रोतले जनाएको छ ।