राष्ट्रपतिमा एमालेका सुवास नेम्वाङको उम्मेदवारी दर्ता

नेकपा एमालेका तर्फबाट सुवास नेम्वाङले राष्ट्रपतिमा उम्मेदवारी दर्ता गर्नुभएको छ । उहाँले भर्खरै उम्मेदवारी दर्ता गराउनुभएको हो । 

पार्टी अध्यक्ष केपी शर्मा ओलीसहितको टोली बानेश्वरस्थित संसद भवनमा रहेको निर्वाचन अधिकृतको कार्यालय पुगेर मनोनयन दर्ता गरेको हो ।

नेम्वाङका प्रस्तवकमा पार्टी अध्यक्ष तथा सांसद केपी शर्मा ओली तथा उपमहासचिव एवम् सांसद पृथ्वीसुब्बा गुरूङ, सचिव तथा सांसद गोकर्ण विष्ट, छबिलाल विश्वकर्मा, रघुवीर महासेठको प्रस्तावक हुनुहुन्छ ।

त्यसैगरी सचिव तथा सांसदहरु योगेश भट्टराई, टोप बहादुर रायमाझी र सांसदहरू जुलिकुमारी महतो, दिलकुमारी रावल पार्वती, प्रदेश सांसद अमनलाल मास्के समर्थक रहनुभएको छ ।