लुम्बिनी प्रदेशसभाको प्रथम अधिवेशनको छैठौँ बैठक बुधबार

लुम्बिनी प्रदेशसभाको बैठक आँउदो फागुन १७ गतेका लागि बोलाइएको छ । प्रदेशसभा सचिवालयले बुधबार दिँउसो १ बजेका लागि बैठक आह्वान गरेको हो । लुम्बिनी प्रदेश नियमावली, २०७९ को नियम १२ को उपनियम (३) बमोजिम प्रदेशसभाको पहिलो अधिवेशनको छैठौं बैठक डाँकिएको प्रदेशसभा सचिव दुर्लभकुमार पुन मगरले बताए । 

सचिवालयले जारी गरेको सूचनामा भनिएको छ,‘लुम्बिनी प्रदेशसभाको पहिलो अधिवेशनको छैठौं बैठक माननीय सभामुखको निर्देशानुसार सम्बत् २०७९ साल फागुन महिनाको १७ गते बुधबार दिनको १ बजे बस्ने गरी तय भएको व्यहोरा लुम्बिनी प्रदेश नियमावली, २०७९ को नियम १२ को उपनियम (३) बमोजिम माननीय सदस्यहरुको जानकारीका लागि यो सूचना प्रकाशन गरिएको छ ।