ताप्लेजुङमा स्ववियु निर्वाचन अन्यौल

मुलुकभर हुन लागेको स्वतन्त्र विद्यार्थी युनियनको निर्वाचन ताप्लेजुङमा भने अनिश्चित बनेको छ । पर्सि हुने निर्वाचन पाथिभरा क्याम्पसमा भने नहुने भएको छ ।

एमाले निकट अनेरास्ववियु र जसपा निकट समाजवादी विद्यार्थी युनियनले निर्वाचन अधिकृतलाई बीचमा परिवर्तन गरिएको र विद्यार्थी विवरण शंकास्पद् रहेको कारण देखाएपछि विद्यार्थी युनियनको चुनाव नहुने भएको बताइन्छ ।

ती विद्यार्थी संगठनले निष्पक्ष निर्वाचन हुन नसक्ने भन्दै हिजोदेखि क्याम्पस प्रशासन र निर्वाचन समितिको कार्यालयमा तालाबन्दी गरेका छन् । सोही विषयमा छलफल गर्न आज बसेको सर्वपक्षीय बैठक बिनानिष्कर्ष टुंगिएको छ ।