सिमरा उडेको बुध्दको विमानमा प्राविधिक समस्या,काठमाडौंमा आकस्मिक अवतरण

आज बेलुकी काठमाडौंबाट सिमरातर्फ उडेको बुध्द एअरको एटीआर ७२ विमानमा प्राविधिक समस्या उत्पन्न भएको छ । ६८ जना यात्रु बोकेर साँझ ५ बजेर २५ मीनेटमा उडेको विमानमा लगत्तै समस्या देखिएको हो । 

उडान नम्बर बीएचए ५५७ विमानमा प्राविधिक समस्या देखिएपछि लगत्तै काठमाडौं फर्काइएको छ । सिमराको आकाशमा पुगेको उक्त विमानलाई काठमाडौं ल्याएर ५ बजेर ५० मीनेटमा अवतरण गराइएको थियो ।