नयाँ वर्षको पहिलो दिन नै २७ उडान रद्द,कता जाने कुन जहाज उडेनन् ?

आज मुलुकभर २७ वटा आन्तरिक उडान रद्द भएको छ । खराब मौसमका कारण ती उडान अवरुद्ध भएको काठमाडौं विमानस्थल कार्यालय,नागरिक उड्डयन कार्यालयले जनाएको छ । आज बुद्ध एअरको उडान सबैभन्दा धेरै रद्द भएको छ । बुद्ध एअरको रद्द भएका १५ मध्ये १४ वटा पोखरा र एउटा तुम्लिङटारको हो । 
 

यति एयरलाइन्सका छ वटा पोखरा उडान पनि रोकिएका छन् भने श्री एअरलाइन्सको तीन वटा उडानलाई असर परेको छ । त्यसैगरी सौर्य एयरको दुई वटा पोखरा र नेपाल वायुसेवा निगमको एउटा ताप्लेजुङ उडान रद्द भएको छ ।