भैरहवाबाट नयाँ दिल्ली र क्वालालम्पुर उडानको तयारीमा नेपाल वायुसेवा

नेपाल वायुसेवा निगमले भैरहवास्थित गौतमबुद्ध अन्तर्राष्ट्रिय विमानस्थलबाट भारतको राजधानी नयाँ दिल्ली र मलेसियाको राजधानी क्वालालम्पुरसम्म उडानको तयारी थालेको छ । आगामी जेठ तेस्रो सातादेखि दुई वटा गन्तव्यमा उडान गर्न आवश्यक तयारी थालिएको बताइएको छ ।

ती दुबै स्थानमा सातामा कम्तीमा एक उडानको निम्ति आवश्यक अध्ययन गर्न कार्यदल बनाइएको छ । निगमको वाणिज्य विभागका उपनिर्देशक सन्तोष पाण्डेको नेतृत्वमा विशेष कार्यदल गठन गरिएको हो ।