तनहुँमा उम्मेदवारका बुबाको गाडी तोडफोड

राष्ट्रिय स्वतन्त्र पार्टी (रास्वपा) का तनहुँ निर्वाचन क्षेत्र नम्बर १ का उम्मेदवार डा. स्वर्णिम वाग्लेका बुबा जीवन वाग्ले चढ्दै आएको गाडी तोडफोड गरिएको छ । तनहुँको व्यास नगरपालिका–३, स्थित सन्तोष होटल अगाडि राखिएको बा.११ च ४२५० नम्बरको मारुती कार गएराति तोडफोड भएको बताइएको छ । 

जिल्ला प्रहरी कार्यालय तनहुँका प्रवक्ता मोहनबहादुर खाँणले गाडीको बायाँतर्फको पछिल्लो ढोकाको सिसा फुटेको छ । गाडी तोडफोड भएको घटना बिहान उज्यालो भएपछि मात्रै थाहा भएको प्रहरीले बताएको छ ।

घटनास्थल वरपरका सिसिटिभी फुटेज संकलन गरी घटनामा संलग्नलाई कारबाहीको दायरमा ल्याउने प्रयास भइरहेको खाँणले बताए ।