साइकल र्यालीमा अमेरिकी राजदूत

ललितपुरको मंगलबजारबाट शुरु भएको साइकल र्यालीमा नेपालका लागि अमेरिकी राजदूत डिन आर थम्पसन पुग्नुभएको छ । कृष्ण मन्दिरको प्राङ्गणबाट आज बिहान थालिएको र्यालीको शुभारम्भमा राजदूतको उपस्थिति रहेको बताइएको छ । 

नेपाल–अमेरिका अल्मुनाई नेटवर्क र इन्ष्टिच्युट फर स्ट्राटेजिक एण्ड सोसियो इकोनोमिक रिसर्चको आयोजना र अमेरिकी राजदूतावासको सहकार्यमा साइकल र्याली भएको हो । आयोजकले पृथ्वी दिवसका अवसरमा र्यालीको कार्यक्रम राखिएको जानकारी दिएका छन् ।

झण्डै डेढ सय जनाले भाग लिएको साइकल र्याली मंगलबजारबाट ग्वार्को, कृष्ण मन्दिर, कमलपोखरी, सानागाउँ हुँदै लुभु महालक्ष्मी मन्दिर पुगेर समापन हुनेछ ।