धनगढी उडेको बुद्ध एअरको विमान नेपालगञ्जमा अवतरण, यात्रुलाई गाडीमा राखेर मध्यरातमा धनगढी

हिजो राति काठमाडौंबाट धनगढी उडेको बुद्ध एअरको विमान नेपालगञ्जमा अवतरण गरेको छ । ७२ जना यात्रु बोकेर राति साढे ७ बजे त्यसतर्फ गएको विमान मौसम खराबीका कारण नेपालगञ्जमा राति ९ बजे अवतरण गरेको थियो । 

झण्डै डेढ घण्टासम्म पनि मौसममा सुधार नआएपछि विमान काठमाडौंतर्फ उडेको बताइन्छ । राति साढे १० बजे उक्त विमान २० जना यात्रु बोकेर काठमाडौं आएको हो ।

बाँकी ५२ जना यात्रुलाई बुद्ध एअरले सडक मार्गबाट मध्यरातमा धनगढी पुर्याएको थियो ।