नेपाल डिजिटल पेमेन्ट्सका नयाँ सिईओले काम थाले

नेपाल डिजिटल पेमेन्ट्सले कम्पनीद्वारा सञ्चालित ‘नमस्ते पे’ का नवनियुक्त प्रमुख कार्यकारी अधिकृत (सिईओ) प्रवीणराज पोखरेलले आजदेखि आफ्नो कार्यभार सम्हालेका छन् । 

‘विस्तृत अनुसन्धान, कडा छनोट र भर्ना प्रक्रियापछि बोर्डले संगठनको नेतृत्व लिनको लागि उत्कृष्ट व्यक्ति भेट्टाउन पाउँदा खुशी छु,’ कम्पनीका पूर्व सीईओ कृष्णप्रसाद भण्डारीले भने । 

उनले थपे, ‘बैंक भएका र डिजिटल शिक्षा पाएका मानिसलाई मात्र नभई बैंकविहीनलाई पनि आधुनिक सेवा उपलब्ध गराएर नगदरहित समाजको निर्माण गर्ने सेवामा रहेकाले व्यवसायिक कार्यसम्पादनमा सफलता प्रदान गर्न टोलीसँग काम गर्न म धेरै केन्द्रित हुनेछु ।’

पोखरेल धेरै अग्रणी बैंक, वित्तिय संस्था, भुक्तानी प्रणाली र फ्रिनटेक कम्पनीमा २७ वर्षभन्दा बढीको उत्कृष्ट ट्रयाक रेकर्ड भएका व्यक्ति मानिन्छन् । यसअघि उनले एफवान सफ्रट इन्टरनेशनल र एमनेपाल लिमिटेडको प्रमुख कार्यकारी अधिकृतको रुपमा काम गरिसकेका छन् । 

पोखरेलसित बैंकिङ्ग क्षेत्रको लामो अनुभव भएको बताइएको छ । उनले ग्लोबल, नबिल, बैंक अफ काठमाडौँ र हिमालयन बैंकमा विभिन्न पदमा काम गरिसकेका छन् । 

यसैगरी, युकेएड कोषको परियोजनामा मोबाइल फाइनान्सियल सर्भिस र भुक्तानी प्रणाली सल्लाहकारका रुपमा पनि उनले काम गरेको जानकारी दिइएको छ ।