दक्षिण कोरियाली राजदूत सिंहदरबारमा

सभामुख देवराज घिमिरेसँग नेपालका लागि दक्षिण कोरियाली राजदूत पार्क योङ सिकले भेटवार्ता गर्नुभएको छ । राजदूत सिकले आज बिहान संसद सचिवालय, सिंहदरबार पुगेर सभामुखसँग भेट गर्नुभएको बताइएको छ ।

भेट बिहान ११ बजेदेखि झण्डै आधा घण्टा भएको थियो । त्यस अवसरमा नेपाल र कोरियाबीच रहेको द्विपक्षीय सुमधुर सम्बन्ध बिस्तारलगायत विषयमा कुराकानी भएको जानकारी दिइएको छ ।