मारुती कारभित्र पौने २ करोडको सुन

सशस्त्र प्रहरी बल नेपालले झण्डै दुई करोड रुपैयाँको सुन बरामद गरेको छ । प्रस्तावित सीमा सुरक्षा गुल्म, डण्डा,रुपन्देही मातहतको बीओपी बयरघाटले हिजो राति लुम्बिनी साँस्कृतिक नगरपालिका १३ को कालीदहमा  उक्त सुन फेला पारेको हो । 

भारततर्फ जाँदै गरेको बा.१२ च ३८२० नम्बरको मारुती सुजुकी कारभित्र दुई वटा ईंट आकारको सुन लुकाएको अवस्थामा बरामद भएको सशस्त्रले जनाएको छ । चालक मात्र रहेको सवारी साधनमा फेला परेको सुनको अन्दाजी मूल्य एक करोड ८८ लाख २७ हजार हुन आउँछ ।

राति नै उक्त सुन र १५ लाख मूल्य बराबरको कार गरेर दुई करोड तीन लाख २७ हजार मूल्य कायम गरी भन्सार कार्यालयलाई बुझाइएको छ ।