स्वर्गीय सीता दाहालको अन्तिम संस्कार दिउँसो २ बजे

प्रधानमन्त्री पुष्पकमल दाहाल प्रचण्डकी पत्नी तथा नेकपा माओवादी केन्द्रकी सल्लाहकार समेत रहेकी स्वर्गीय सीता दाहालको अन्तिम संस्कार दिउँसो २ बजे गरिने भएको छ । सीताको आज बिहान साढे ८ बजे थापाथलीस्थित नर्भिक अस्पतालमा निधन भएको हो । 

प्रधानमन्त्री दाहालको सचिवालयका अनुसार श्रद्धाञ्जलीका लागि स्वर्गीय दाहालको पार्थिव शरीर बिहान ११ बजेदेखि दिउँसो १ बजेसम्म पार्टी कार्यालय, पेरिसडाँडामा राखिनेछ । त्यसपछि अन्तिम संस्कार दिउँसो २ बजे पशुपति आर्यघाटमा गरिने जानकारी दिइएको छ ।