विद्यालय गएका तीन बालिका १२ दिनदेखि बेपत्ता

पोखरामा विद्यालय गएका तीन बालिका साउन १९ गतेदेखि बेपत्ता भएका छन् । १२ दिनसम्म फेला नपरेपछि परिवारले खोजीको निम्ति प्रहरी कार्यालयमा निवेदनमा दिएका छन् ।

हराएका बालिकाहरु पोखरा महानगरपालिका–२, विन्ध्यवासिनीकी १४ वर्षीया मनिका, १३ वर्षीया एलिसा र १४ वर्षीया राधिका परियार भएको बताइएको छ । विद्यालय गएका उनीहरु घरबाट हिँडेपनि हालसम्म बेपत्ता भएका हुन् । 

यसबीचमा दुई बालिकाले परिवारसँग फोनमा कुराकानी गरेको बताइएको छ । राधिका र मनिकाले अभिभावकसँग फोनमा गरेको भनिए पनि उनीहरुको अवस्था अज्ञात छ । बालिकाहरु राधिका र मनिका स्थानीय राष्ट्रिय माध्यमिक विद्यालय र एलिसा बरपाटन माध्यमिक विद्यालयका विद्यार्थी हुन् । 

उनीहरु सबै विद्यालयको पोशाकमा घरबाट निस्केका थिए ।