हरिचन्द्रको एकपछि अर्को विश्व रेकर्ड
नेपाली सेनाका हरिचन्द्र गिरीले चौथो गिनिज विश्व रेकर्ड कायम गरेका छन् । दाङका २९ वर्षे गिरीले दुबै हातले टेकेर ७५ वटा सिँढी २५ दशमलब ३ सेकेण्डमा सबैभन्दा छिटो पूरा गरेका हुन् ।
उक्त दुरीमा विश्व रेकर्ड यसअघि संयुक्त राज्य अमेरिकाका मार्क केन्नीले राखेका थिए । यो बाहेक गिरीले ५० सिँढीमा पनि आफ्नै रेकर्ड कायम गरेका छन् । जसमा १२ दशमलब ६५ सेकेण्डमा पूरा गरेको उल्लेख छ ।
उनैले गोडाको बीचमा फुटबल च्यापेर १० मीटर र ५० मीटरको दूरीसम्म छिटो पुगेको रेकर्ड पनि कायम गरेका छन् । जसमा १० मीटर ४दशमलब ४९ सेकेण्ड र ५० मीटर २५ दशमलब ५८ सेकेण्डको विश्व रेकर्ड उनै गिरीको हो ।
टिप्पणीहरू