लभको कम्मरमा चाँदीको पोको
भारतबाट नेपालतर्फ अवैध रुपमा ल्याउँदै गरिएको चाँदीसहित भारतीय नागरिक पक्राउ परेका छन् । भारतको सितामढी वसतपुका १९ वर्षीय लभ दासलाई चाँदीसहित प्रहरीले नियन्त्रणमा लिएको छ ।
जिल्ला प्रहरी कार्यालय सर्लाहीबाट खटिएको टोलीले उनलाई आज बिहान सर्लाहीको मलंगवा नगरपालिका–८, लचकाबाट नियन्त्रणमा लिएको हो ।
भारतबाट साइकलमा नेपालतर्फ आउँदै गरेका उनको कम्मरमा एक किलो ९५० ग्राम चाँदी फेला परेको बताइन्छ । प्रहरीका अनुसार पक्राउ परेका उनीमाथि थप अनुसन्धान भइरहेको छ ।
ट्रेन्डिङ पोस्ट
टिप्पणीहरू