चिनियाँ म्युजिक भिडियोमा काठमाडौंको मुहार,कलाकार जोडी तितरबितर
चीनको प्रख्यात कलाकार जोडीले सम्बन्ध विच्छेद गरेको छ । गीत तथा संगीतकार वाङ फङ र अभिनेत्री चाङ चियीले छुट्टाछुट्टै जीवन बिताउने निधो गरेका छन् ।
अन्तर्राष्ट्रियस्तरमा चर्चित जोडीको सम्बन्ध विच्छेदको घटनालाई विश्वका सञ्चारमाध्यमले समेत प्रमुखताका साथ स्थान दिएका छन् ।
गायक तथा संगीतकार वाङ एक पटक विशेष भिडियो सुटिङका लागि काठमाडौं आएका थिए । उक्त भिडियोमा काठमाडौंको मौलिक दृश्य र परिवेशलाई समेटिएको छ । वाङका प्रख्यात म्युजिक भिडियोमध्ये ‘काठमाडौंको झंकार’ पनि एक हो जसमा काठमाडौंका मठ मन्दिर, फागु पूर्णिमालगायत सामाजिक पक्षलाई निकै राम्रोसँग समेटिएको छ ।
उनीहरुको दुई साताअघि डिभोर्स भएको हङकङको साउथ चाइना मर्निङ पोष्टले जनाएको छ । वाङले चाङसँग गाँसेको वैवाहिक सम्बन्ध तेस्रो थियो भने चाङको यो पहिलो विवाह हो । उनीहरुले सन् २०१५ मा अमेरिकामा छोरी जन्माएका थिए भने सात वर्षपछि २०२२ मा छोरा ।
अमेरिकाको टाइम म्यागजिनले अभिनेत्री चाङलाई सन् २००५ मा विश्वका सर्वाधिक एक सय जना प्रभाव पार्नसक्ने क्षमताकी महिलामा सूचीकृत गरेको थियो ।
ट्रेन्डिङ पोस्ट
टिप्पणीहरू