शरीरमा १४ किलो सुनको पाता जडेका चन्द्र विमानभित्रै समातिए

करिब १४ किलोग्राम सुनसहित दुबईबाट आएका गोरखाका चन्द्र घलेलाई त्रिभुवन अन्तर्राष्ट्रिय विमानस्थलमा आइपुगेलगत्तै नियन्त्रणमा लिइएको छ ।

गएराति फ्लाई दुबईको उडान नम्बर एफजेड ५७३ मा काठमाडौं आएका घलेलाई विमानभित्रैबाट नियन्त्रणमा लिइएको जनाइएको छ । पीए ०१४५४८८ नम्बरको राहदानी बोकेका घले सुनका पाता शरीरमा राखेर ल्याएको सूचनाको आधारमा पक्राउ परेका हुन् । 

विमानका अन्य यात्रु ओर्लेपछि अन्तिममा उनलाई नियन्त्रणमा लिइएको थियो । उनी अस्ति काठमाडौं आउने योजना रद्ध गरेर हिजो राति आइपुगेका हुन् । बरामद भएको सुनलगायत विषयमा रातिदेखि नै भन्सार कार्यालयमा राखेर घलेमाथि आवश्यक अनुसन्धान गरिएको छ ।