मोटरसाइकलमा सवार युवकहरुको खल्तीमा ब्राउनसुगर
मकवानपुरमा ब्राउनसुगरसहित प्रहरीले दुई जनालाई नियन्त्रणमा लिएको छ । हेटौंडा उपमहानगरपालिका–८, कमानेका २७ वर्षीय विवेक वाईवा र भीमफेदी गाउँपालिका–२ बस्ने २९ वर्षीय सुरज मगर समातिएका हुन् ।
प्रहरी चौकी रातोमाटेबाट खटिएको टोलीले उनीहरुलाई हेटौंडा उपमहानगरपालिका–१५, फारलाईनबाट करिब तीन ग्राम ब्राउनसुगरसहित आज बिहान नियन्त्रणमा लिएको हो ।
प्रहरीका अनुसार उनीहरुले प्रयोग गरेको ना.४५ प ५२१६ नम्बरको मोटरसाइकलसमेत बरामद भएको छ । पक्राउ परेका दुवै जनामाथि थप अनुसन्धान भइरहेको जनाइएको छ ।
ट्रेन्डिङ पोस्ट
टिप्पणीहरू