किर्ते गरेर सरकारी जग्गा हडप्नेलाई विशेषले छोडेपछि सर्वोच्चमा गुहार

अख्तियार दुरुपयोग अनुसन्धान आयोगले विशेष अदालतबाट फैसला भएको एउटा मुद्दाउपर सर्वोच्च अदालतमा पुनरावेदन गरेको छ । 

विशेष अदालतबाट विभिन्न मितिमा भएका फैसलामध्ये एउटामा चित्त नबुझेपछि आयोगले सर्वोच्चमा पुनरावेदन गरेको हो । आयोगका प्रवक्ता देवीप्रसाद थपलियाले गैरकानूनी लाभ तथा हानी पुर्याई भ्रष्टाचार गरेकोसम्बन्धी मुद्दामा पुनरावेदन गरिएको जानकारी दिए । 

सरकारी जग्गा व्यक्ति विशेषको नाउँमा दर्ता गरी भ्रष्टाचार गरेको आरोपमा खोटाङका तत्कालिन नापी प्रमुख सियाकान्त चौधरी र मालपोत प्रमुख यदुनाथ दाहालसहित छ जनाविरुद्ध आयोगले मुद्दा दायर गरेको थियो । 

विशेष अदालतको गत जेठ २२ गतेको फैसलाले प्रतिवादीहरुलाई सफाई दिएपछि त्यसप्रति असन्तृष्टि जनाउँदै अख्तियारले सर्वोच्च गुहारेको हो ।