ट्रकमा लैजाँदै गरेको साढे पाँच क्विन्टल गाँजा चितवनबाट बरामद
चितवनमा साढे पाँच क्विन्टल गाँजासहित दुई जना पक्राउ परेका छन् ।
धनकुटाको छथर जोरपाटे गाउँपालिका-३ घर भएका ३२ वर्षीय रमेशनाथ दाहाल र कपिलवस्तुको बुद्धभूमी नगरपालिका-४ का २५ वर्षे खुशीराम थारुलाई प्रहरीले ५४२ किलो गाँजासहित समातेको हो । उनीहरुलाई आज बिहान राप्ती नगरपालिका-३ स्थित पूर्व-पश्चिम राजमार्गबाट नियन्त्रणमा लिएको प्रहरीले जानकारी दिएको छ ।
धादिङको मलेखुबाट ना ३ ख ६१२२ नम्बरको ट्रकमा लोड गरिएको गाँजा निकालेर ३९ वटा पोका बनाई ना ३ ख ७२४० नम्बरको ट्रकभित्र लुकाएर राखेको अवस्थामा बरामद गरेको ईलाका प्रहरी कार्यालय भण्डाराका प्रहरी निरीक्षक श्याममणी पोखरेलले जानकारी दिएका छन् ।
पक्राउ परेका दुवै जनाको बयान लिएर यस कार्यमा संग्लन अन्यको खोजी भैरहेको प्रहरीले जनाएको छ ।
ट्रेन्डिङ पोस्ट
टिप्पणीहरू