'म्याकुरी' कुटेको आरोपमा शर्मिला वाइवा पक्राउ
आफूलाई सामाजिक अभियन्ता दावी गर्दै आएकी शर्मिला वाइवा पक्राउ परेकी छन् ।
कलाकार पवन खतिवडा ‘म्याकुरी’माथि कुटपिट गरेको आरोपमा उनलाई आज अपराह्न प्रहरीले पक्राउ गरेको हो । कलाकार खतिवडाले आफूमाथि कुटपिट भएको भन्दै वाइवाविरूद्ध प्रहरी वृत्त महाराजगन्जमा उजुरी दिएका थिए ।
सोही उजुरीको आधारमा उनलाई बाह्रविसेबाट नियन्त्रणमा लिएको काठमाडौँ प्रहरी परिसरका एसएसपी भूपेन्द्र खत्रीले जानकारी दिए । वाइवालाई अहिले काठमाडौँ ल्याइदैछ ।
एक हप्ताअघि सार्वजनिक भएको कलाकार खतिवडा र उनकी श्रीमती सुम्निमा खालिङको विवादमा वाइवाले अनावश्यक हस्तक्षेप गरेको भन्दै चर्को आलोचना भैरहेको छ ।
ट्रेन्डिङ पोस्ट
टिप्पणीहरू