सिंहदरबारमा चीन-भारतका राजदूतहरुको लर्को

नवनियुक्त मन्त्रीहरुसँग शिष्टाचार भेटका लागि काठमाडौंस्थित विभिन्न मुलुकका राजदूतहरु सिंहदरबार धाउन थालेका छन् । हिजो राति शपथ ग्रहण गरेका उपप्रधान तथा परराष्ट्रमन्त्री नारायणकाजी श्रेष्ठ र अर्थमन्त्री वर्षमान पुनलाई बधाइ दिन नेपालका लागि चिनियाँ र भारतीय राजदूतहरु आज परराष्ट्र मन्त्रालय र अर्थ मन्त्रालय पुगेका छन्  ।

चिनियाँ राजदूत छन् सोङले उपप्रधान तथा परराष्ट्रमन्त्री श्रेष्ठसँग दिउँसो ४ बजे मन्त्रालयमा भेटवार्ता गर्नुभअघि भारतीय राजदूत नवीन श्रीवास्तवले पनि उहाँसँग शिष्टाचार भेट गर्नुभएको थियो ।

भारतीय राजदूतले आजै दिउँसो अर्थमन्त्री पुनसँग पनि भेट गर्नुभएको छ । उहाँले दिउँसो ४ बजे अर्थ मन्त्रालय पुगेर मन्त्रीसँग भेटवार्ता गर्नुभएको बुझिएको छ ।