प्रधानाध्यापकलगायत तीन जनालाई केही दिन हिरासतमा राख्न आदेश

बालिका शालिन पोखरेल मृत्यु प्रकरणमा पक्राउ परेका तीन जनालाई थप चार दिन हिरासतमा राखेर अनुसन्धान गर्न तेस्रो पटक म्याद थपिएको छ । 

चितवन जिल्ला अदालतले अनुसन्धानको काम अझै बाँकी रहेको जनाउँदै उनीहरुलाई हिरासतमा राख्न तेस्रो पटक म्याद थप गरिदिएको छ । अदालतले यसअघि चार दिन र त्यसअघि सात दिन म्याद थप गरिदिएको थियो । 

फागुन १२ गते रत्ननगरस्थित एकता शिशु निकेतन स्कुलकोे होस्टलमा शालिन झुण्डिएको अवस्थामा फेला परेकी थिइन् । उनका परिवारले बालिकाको बलात्कारपछि हत्या भएको दावी गर्दै जाहेरी दिएपछि स्कुलका प्रिन्सिपल बालहरी देवकोटा, भाइस प्रिन्सिपल किरणबहादुर अधिकारी र होस्टलका वार्डेन कमल पौडेल पक्राउ परेका हुन् ।

तर यसबीचमा शव पोस्टमार्टम रिर्पोट र सुसाइड नोट परिक्षणको आधारमा शालिनले आत्महत्या गरेको ठहर भइसकेको छ । तर, परिवारले अझै पनि बलात्कारपछि हत्या गरिएको दावी गरिरहेका छन् । शवको अन्त्येष्टि पनि गरिसकिएको छ ।