घुस्याहा सहायक वन अधिकृतविरुद्ध विशेष अदालतमा मुद्दा

घुससहित पक्राउ परेका बाँकेको राँझास्थित सबडिभिजन वन कार्यालयका सहायक वन अधिकृत नारायण पार्धेविरुद्ध भ्रष्टाचार मुद्दा दायर भएको छ।

अख्तियार दुरुपयोग अनुसन्धान आयोगले विशेष अदालत काठमाडौंमा उनीविरुद्ध भ्रष्टाचार मुद्दा दर्ता गरेको जनाएको छ । आयोगको नेपालगञ्ज कार्यालयबाट खटिएको टोलीले गत माघ ११ गते उनलाई सात हजार रुपैयाँ घुससहित नियन्त्रणमा लिएको थियो । 

अनुसन्धानको क्रममा उनले काठ चिरानको सिफारिस गरिदिएवापत सेवाग्राहीसँग उक्त रकम बुझेको खुल्न आएको हो । उनीविरुद्ध भ्रष्टाचार निवारण ऐन, २०५९ को दफा ३ को कसुरमा अख्तियारले मुद्दा दायर गरेको बताइएको छ ।