अरबौंको अवैध कारोबारमा संलग्न अनिल ढुंगेल बने भारतमा अनिल साह

प्रविधिको विकासले मानिसको दैनिकी जत्तिको सजिलो बन्दै गएको छ, उत्तिकै खतरा पनि बढेको देखिन्छ । पछिल्लो समय अनलाइन् मार्फत स्क्याम गर्ने र गैरकानुनी तरिकाले सट्टेबाजी गर्ने गराउनेहरुको संख्या उल्लेख्य मात्रामा पुगेको छ ।

यसबीच डिजिटल सट्टेबाजी प्ल्याटफर्म ‘एक्सबेट’ तथा ‘क्रिप्टो’को कारोबार गर्दै आएका एक जना पक्राउ परेका छन् । काभ्रेपलाञ्चोकको मण्डनदेउपुर–८ घइ भइ हाल भक्तपपुर बस्दै आएका २४ वर्षीय अनिल ढुंगानालाई प्रहरीले सार्वजनिक गरेको छ । उनले सामाजिक सञ्जालमा ‘जुवा ३६५’ नामक पेज मार्फत सट्टेबाजीको प्रचार गर्दै आएको अनुसन्धानबाट खुलेको बताइएको छ । 

उनले हालसम्म ५६ वटा बैंक तथा वित्तीय संस्थामा खाता खोलेर २ अर्ब १ करोड बराबरको अवैध कारोबार गरेको काठमाडौं उपत्यका अपराध अनुसन्धान कार्यालयका सूचना अधिकारी रवीन्द्र रेग्मीले जानकारी दिए । अनिल साहको नामबाट भारतीय आधार कार्ड, प्यान कार्ड, दिल्ली मेट्रो कार्डसमेत बनाएको पाइएको  परिवर्तन गरेर भारतको आधार कार्ड, पान कार्ड, दिल्ली मेट्रो कार्ड, एरटेल कम्पनीको सीमकार्ड प्रयोग गर्दै आएको पाइएको छ । 

उनको साथबाट भारतीय एचडीएफसी बैंकको चेकबुक, एटीएम कार्डलगायत एयरटेल कम्पनीको सिमकार्डपनि बरामद भएको छ । अनिलले हालसम्म बैंकमार्फत ६१ कारोड ६४ लाख ५९ हजार एक सय २० रुपैयाँ कारोबार गरेको खुलेको छ । डिजिटल वालेटबाट ५ करोड ९३ हजार सात सय ८२ रुपैयाँ तथा क्रिप्टोकरेन्सीमबाट १ अर्ब ३४ करोड ५२ लाख ९१ हजार दुई सय रुपैयाँ कारोबार गरेको देखिन आएको छ ।

कारोबारमा विभिन्न व्यक्तिहरुको नाममा रहेका ११ वटा कनेक्ट आईपीएस प्रयोग भएको देखिन्छ । त्यसका लागि कारोबारमा ५५ वटा बैंक खाता लिंक गरेको पाइएको छ । अनिलमाथि मुलुकी अपराध संहिता २०७४ को दफा १२५ र बैंकिङ कसुर तथा सजाय ऐन २०६४ (३) को कसुरमा कारवाही प्रक्रिया अघि बढाइएको प्रहरीले जनाएको छ ।