कालिमाटीमा प्रदर्शनकारीहरुको चर्का नारा
![कालिमाटीमा प्रदर्शनकारीहरुको चर्का नारा](https://janaaastha.prixacdn.net/media/albums/1_DzikZzpylB.png)
विदेश जाने कामदारसँग अवैध ढंगले लिएको रकम फिर्ता गर्नुपर्ने रकम राख्दै प्रभु साह नेतृत्वको आम जनता पार्टी (आजपा) निकट आईटी आर्मीले प्रदर्शन गरेको छ । वैदेशिक रोजगार पीडितलाई न्याय दिनुपर्ने माग गर्दै उनीहरुले आजदेखि प्रदर्शन थालेको बताइएको छ ।
ठग मेनपावर र तिनका एजेण्टलाई कारबाही गरी पीडितलाई न्याय दिनुपर्ने मागसहित काठमाडौंको कालीमाटीबाट निकालिएको र्याली प्रहरीको घेराबन्दीका कारण सोल्टीमोडमा पुगेर रोकिएको थियो ।
प्रदर्शनकारीहरुले ‘ठग मेनपावर र एजेण्टलाई कारबाही गर’, ‘बेरोजगारको व्यापार बन्द गर’, ‘पीडितलाई न्याय दे’, ‘अलपत्र परेका नेपालीको उद्धार गर’, लेखिएका प्लेकार्ड बोकेर चर्को नारा लगाएका थिए ।
वैदेशिक रोजगारीमा जाने युवाहरुसँग अवैध तरिकाले बिना रसिद रकम असुली भइरहेको र उनीहरुको रकम फिर्ता नभएसम्म आन्दोलन जारी रहने आईटी आर्मीले जनाएको छ ।
टिप्पणीहरू