गल्लीको घरमा अनैतिक क्रियाकलाप, कोठामा एक पुरुषसँग तीन महिला

कैलालीको अत्तरियामा अनैतिक क्रियाकलापमा संलग्न रहेको आरोपमा एक पुरुषसहित तीन महिला पक्राउ परेका छन् । 

गोदावरी नगरपालिका–२ अत्तरियास्थित आदर्श गल्लीको एउटा घरको कोठाबाट उनीहरूलाई पक्राउ गरिएको प्रहरीले जनाएको छ । स्थानीयले गल्लीको एउटा घरको कोठा भाडामा लिएर अनैतिक क्रियाकलाप सञ्चालन गरिएको खबर गरेपछि प्रहरी टोली त्यहाँ पुगेको थियो ।

इलाका प्रहरी कार्यालय मालाखेतीको अपराध अनुसन्धान टोलीले अनैतिक क्रियाकलापमा संलग्न रहेका एक पुरुष र तीन महिलालाई पक्रेर अनुसन्धान अघि बढाएको जनाएको छ । पक्राउ परेकामा गोदावरी नगरपालिका–१ की ६५ र २८ वर्षीया दुई महिला, वडा नम्बर ३ का ३७ वर्षीय पुरुष र गौरीगङ्गा नगरपालिका–१ की ३४ वर्षीया महिला रहेको जिल्ला प्रहरी कार्यालयले जनाएको छ ।