मलेसियामा नेपाली युवक एक वर्षदेखि बेपत्ता

वैदेशिक रोजगारीको क्रममा मलेसिया पुगेका एक नेपाली युवक झण्डै एक वर्षदेखि सम्पर्कविहीन छन् । इलामको फाकफोकथुम गाउँपालिका–१, का डिसन लिम्बू बेपत्ता भएको बताइएको छ ।

मलेसियास्थित चुन स्वी लुङ फार्ममा काम गर्न गएको एक वर्ष हाराहारीमा उनी बेपत्ता भएका हुन् । राजधानी क्वालालम्पुरस्थित नेपाली राजदूतावासद्वारा जारी सूचनामा उनलाई देखेमा दूतावासको हटलाइन नम्बर ०१६–२४७२७७७ मा फोन वा ह्वाट्सएप गर्न आग्रह गरिएको छ । 

‘इलाम फाकफोकथुम गाउँपालिका–१, स्थायी निवासी श्याामलाल लिम्बुको छोरा डिसन लिम्बू मलेसियाको चुन स्वी लुङ फार्ममा श्रम गर्न आएको वर्ष दिन नपुग्दै २०८० कात्तिक ११ गतेबाट परिवार, साथीभाई र कम्पनीसँग सम्पर्कविहिन हुनुभएको छ,’ दूतावासको सूचनामा भनिएको छ, ‘उहाँको खोजी कार्यका लागि मलेसिया पुलिसमा समेत रिपोर्ट भइसकेकोले उहाँलाई कसैले देख्नु भएमा दूतावासको हटलाइन सम्पर्क नम्बर ०१६–२४७२७७७ मा ह्वाट्सएप वा फोन गरेर जानकारी गराउन अनुरोध छ ।’