सेनाको हेलिकप्टर खेतमा ओरालियो
डोल्पाबाट नेपालगञ्जका लागि उडेको सेनाको हेलिकोप्टर सुर्खेतमा आकस्मिक अवतरण गरेको छ ।
सेनाको एनए-००६ हेलिकोप्टर मौसम खराबीको कारण आज दिउँसो सुर्खेतको लेकवेशी नगरपालिका वडा नम्बर ६ स्थित खेतमा अवतरण गराइएको हो ।
सशस्त्र प्रहरीका असइ नरबहादुर बिसीलाई लेक लागेर बिरामी भएपछि उपचारको लागि हेलिकोप्टरमार्फत नेपालगञ्ज लगिँदै थियो । तर,उडानका क्रममा अकस्मात मौसम बिग्रिएपछि हेलिकोप्टरलाई खेतमै बसाल्नु परेको जिल्ला प्रहरी कार्यालय सुर्खेतका एसपी रुपेश खड्काले जानकारी दिए ।
उनका अनुसार करिब एक घण्टापछि हेलिकोप्टर सुर्खेत विमानस्थलमा सुरक्षित अवतरण गराइएको थियो । असइ बिसीको अहिले कर्णाली प्रादेशिक अस्पतालमा उपचार भइरहेको छ ।
ट्रेन्डिङ पोस्ट
टिप्पणीहरू