अनधिकृत संरचनामा चल्यो महानगरको डोजर

ललितपुर महानगरपालिकाले अनधिकृत रुपमा बनाइएको भौतिक संरचना भत्काएको छ । महानगर प्रहरी बलले सातदोबाटो चोकमा सडक किनार अतिक्रमण गरी बनाइएका टहरामा आज बिहान डोजर चलाएको हो । 

ती संरचनाको नक्सा पास पनि नगरिएको पाइएको बताइएको छ । महानगरका अनुसार ब्लेस अटो इन्टरप्राइजेजसहित तीन वटा टहरा भत्काइएको छ । टहरा भत्काउन ठूलो संख्यामा नगर प्रहरी बल परिचालन गरिएको थियो ।