भारतीय विदेश सचिव विमानस्थलबाट सोझै बत्तिसपुतली

नेपाल भ्रमणमा आइपुगेका भारतीय विदेश मन्त्रालयका सचिव विक्रम मिश्री काठमाडौं आइपुगेका छन् । भारतीय प्रतिनिधिमण्डल सवार वायुसेनाको विमान यसअघि भनिएको भन्दा १५ मीनेट पहिले पौने १० बजे त्रिभुवन अन्तर्राष्ट्रिय विमानस्थलमा अवतरण गरेको बताइन्छ । 

कल साइन आईएफसी ३१, के ३६०४ भारतीय वायुसेनाको विमानमा आएको सचिव मिश्र नेतृत्वको चार जनाको टोलीलाई विमानस्थलमा भारतीय राजदूत नवीन श्रीवास्तवले स्वागत गर्नुभएको थियो । भारतीय दूतावासका डिफेन्स अट्याची कर्नेल भी सुब्रमण्यम, प्रथम सचिव सशी कुमार, कोअर्डिनेटिङ अफिसर हरजिन्दर सिंह, फ्लाइट ह्याण्डलिंग अफिसर रविन्द्र शर्मालगायत तीन जना सम्पर्क अधिकृत पनि मिश्रको स्वागतका लागि विमानस्थलको अति विशिष्ट कक्षमा पुगेको बताइन्छ । 

त्यहाँबाट उक्त टोली बत्तिसपुतलीस्थित होटल द्वारिकाज पुगेको छ । टोलीमा अनुराग श्रीवास्तव, प्रियंका सहनी र अश्विन भास्करण छन् ।