भारतीय विदेश सचिवद्वारा लैनचौरमा वृक्षारोपण

नेपाल भ्रमणमा रहेका भारतीय विदेश सचिव विक्रम मिश्रीले लैनचौरस्थित भारतीय दूतावासभित्र वृक्षारोपण गरेका छन् । नयाँ दिल्लीबाट बिहान १० बजे काठमाडौं आइपुगेका मिश्रीले दूतावासमा लञ्चअघि वृक्षारोपण गरेको बताइएको छ । 

लञ्चपछि राष्ट्रपति रामचन्द्र पौडेलसँग शिष्टाचार भेटका लागि पौने ३ बजे शितल निवासमा, त्यसपछि प्रधानमन्त्री केपी शर्मा ओलीसँग भेटवार्ता गर्न साढे ३ बजे सिंहदरबार पुगेका छन् ।

साँझ ५ बजे बूढानीलकण्ठमा पूर्वप्रधानमन्त्री तथा नेपाली काँग्रेस सभापति शेरबहादुर देउवासँग र ६ बजे पूर्व प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डसँग शिष्टाचार भेट गर्ने कार्यक्रम छ । त्यसपछि राति ७ बजेपछि मिश्रीको सम्मानमा नेपाली समकक्षी परराष्ट्र सचिव सेवा लम्सालले याक एण्ड यति होटलमा रात्रिभोजको आयोजना गरिँदैछ ।