एमसीसीका म्यानेजिङ डाइरेक्टर काठमाडौंमा

अमेरिकी विकास अनुदान परियोजना मिलेनियम च्यालेञ्ज कर्पोरेसन (एमसीसी) का एकजना प्रबन्ध निर्देशक नेपाल आएका छन् । एमसीसीका सेक्टर अपरेसनल म्यानेजिङ डाइरेक्टर केभिन मिचेल नेपाल आएको काठमाडौंस्थित अमेरिकी दूतावासले जनाएको छ ।

उनी एमसिसी परियोजनाको प्रगतिबारे जानकारी लिन आएका हुन् । सो क्रममा एमसी–ए नेपाल र नेपाल सरकारका विभिन्न अधिकारीहरुसँग भेट्ने क्रममा केभिन यो हप्ता नेपालमा रहने बताइएको छ ।

वित्तीय व्यवस्थापन, योजना, विश्लेषण, र रिपोर्टिङमा विशेष दखल भएका एमसीसीमा पछिल्लो १५ वर्षदेखि कार्यरत छन् ।