नेपाली सेनालाई हेलिकोप्टर खरिदमा सहयोग गर्न अमेरिका तयार

आज बिहानदेखि अपरान्हसम्म काठमाडौंमा रहेका अमेरिकी उपविदेशमन्त्री रिचार्ड आर बर्माको नेपाल भ्रमण सफल भएको अमेरिकी दूतावासले जनाएको छ । प्रधानमन्त्री केपी शर्मा ओली, परराष्ट्रमन्त्री डा. आरजू राणा देउवालगायतसँग भएको भेटमा अमेरिकी सहयोग र दुई देशबीचको साझेदारीबारे कुराकानी भएको बताइएको छ ।

भेटमा अमेरिकी उपविदेशमन्त्री नेतृत्वको टोलीले नेपाली सेनालाई विपद् प्रतिकार्य प्रयासमा सहयोग गर्न र नयाँ हेलिकोप्टर खरिदमा अमेरिका सहयोगका लागि तयार रहेको जानकारी दिएको थियो । 

प्रधानमन्त्री ओलीले भने अमेरिकामा हुन गइरहेको राष्ट्रपति चुनावका बारेमा चासो राख्नुभएको बताइएको छ । उपविदेशमन्त्री वर्माले एमसीसी र युएसएआइडी नेपालका अधिकारीहरू, चिया विज्ञ र नेपाली महिला व्यवसायीहरूसँग ठमेलमा चिया पिउँदै भेट गरेका थिए ।

नेपाल भ्रमण सकेर अमेरिकी उपविदेशमन्त्री वर्मा साँझ नयाँ दिल्ली गएका छन् ।