नेपालगञ्ज उडेको बुद्ध एअरको विमान काठमाडौं डाइभट

आज बिहान काठमाडौंबाट नेपालगञ्जतर्फ उडेको बुद्ध एअरको विमान गन्तव्य नपुग्दै डाइभर्ट भएको छ । बिहान पौने ८ बजे उडेको उडान नम्बर बीएचए ४५१ विमान नेपालगञ्जको खराब मौसमका कारण काठमाडौं फर्केको बताइएको छ । 

६२ जना यात्रु बोकेको उक्त विमान नेपालगञ्जमा अवतरण गर्न नसक्ने भएपछि काठमाडौं फर्केर बिहान साढे ९ बजे त्रिभुवन अन्तर्राष्ट्रिय विमानस्थलमा अवतरण गरेको हो ।