प्रहरीको ३० वर्षे सेवा अवधिमा अर्को गाँठो

नेपाल प्रहरीमा ३० वर्षे सेवाअवधि हटाउन माग राख्दै सर्वोच्च अदालतमा दायर भएको रिटमा अन्तरिम आदेश जारी भएको छ । 

आगामी भदौ १६ गते अवकाशमा जान लागेका प्रहरी अधिकृतहरूले दायर गरेको रिटमा आज सुनुवाइ गर्दै न्यायाधीश हरिप्रसाद फुयालको एकल इजलासले यस सम्बन्धी निर्णय कार्यान्वयन नगराउन आदेश गरेको छ । 

सर्वोच्चले अदालतबाट यसअघि भएका भएका बृहत पूर्ण इजलासका निर्देशनात्मक आदेशहरू किन कार्यान्वयन नभएको हो र यस सम्बन्धमा संविधानको धारा १२८ (४) बमोजिम कारबाही किन चलाउनु नपर्ने हो भन्ने सम्बन्धमा विपक्षीहरुसँग १५ दिनभित्र छुट्टाछुट्टै जवाफ पनि मागेको छ । 

त्यस्तै मुद्दालाई अग्राधिकार प्रदान गर्दै अदालतले असोज १० गते पूर्ण इजलासमापेश गर्न पनि आदेश दिएको छ ।