तीन महिने शिशुसहित हराएकी रमिला भेटिइन्

हिजो बिहानदेखि हराएकी रमिला परियार भेटिएकी छन् । ललितपुरको लुभु बस्ने २६ वर्षीया रमिला फेला परेको जानकारी दिइएको छ । कसैलाई जानकारी नगराई बिहान ७ बजे आफ्नी तीन महिनाकी छोरी च्यापेर हिँडेकी रमिला साँझ आफैं घर फर्किएकी बुवा राजेन्द्र परियारले बताए । 

‘ऊ मेरी छोरी हो । हिजो बिहान ७ बजेतिर तीन महिनाको नानी लिएर निस्किएकी रहेछिन् । हामीलाई कुनै जानकारी नै भएन् । त्यसपछि हामीले प्रहरीमा जाहेरी दियौं । साँझ उनी आफैं फर्केर घर आएकी हुन् । सुत्केरी हुँदाखेरि त्यस्तो हुने रहेछ’,उनले भने । 

त्यस्तै, उनले हाल रमिलाको उपचार भइरहेको जानकारी दिए ।